सोमबार बिहान पशुपतिनाथ मन्दिरको दर्शन गरेका भारतीय प्रधानमन्त्री नरेन्द्र मोदीले मन्दिरको दर्शनबाट आफू भाव विभोर भएको बताएका छन्।
मन्दिर परिसरमा राखिएको आगन्तुक पुस्तिकामा उनले पशुपतिनाथको दर्शन गर्न पाउँदा आफू भाव-विभोर भएको उल्लेख गरेका छन्।
नेपालको दुई दिने भ्रमणमा आएका भारतीय प्रधानमन्त्री नरेन्द्र मोदीले सोमबार बिहान पशुपतिनाथ पुगेर विशेष पूजाआजा गरेका थिए।
पशुपतिनाथले नेपाल र भारतलाई जोड्ने भन्दै उनले ‘नेपाल र भारत जोड्ने पशुपतिनाथको कृपाले दुबै देशको जनमानसमा कायम रहोस्, यही मेरो कामना छ।’ भनेका छन्।
